ناس كتير فيها النقطة دي
لما تزعل من حد ما بتقولش انا زعلانة منك
وبتشيل في قلبها
ده ممكن يكون راجع ان هما شايفينها عزة نفس وكرامة
وان هو باين جدا وواضح ليه انه مزعلني
فانا لو اتكلمت يبقي هاقلل من كرامتي

بس السكوت في الحاجات اللي زي دي
ما بيجبيش فايدة ومبيجبيش نتيجة
انت هتفضل شايل في قلبك وزعلان ومتضايق
وهو ممكن يكون فاكر نفسه ما عملش حاجة
او لو حتي عارف ان هو عمل حاجة غلط حاجة تزعل
لكن ما حصلش اللي يخليه يعرف ويتعلم ان بعد كده ما يعملش نفس الحركة مثلا